भाजपाने बेफाम आरोप केले. हे सर्व आरोप कुठल्याही पुराव्याशिवाय होते. त्यांनी या प्रकरणाशी महाविकास आघाडी सरकारला जोडण्याचा प्रयत्न केला. त्यात ते तोंडघशी पडले. त्यांनी केलेले सर्व आरोप खोटे आहेत. त्यांना कुठलाही आरोप सरकारशी जोडता आला नाही, अशा शब्दात काँग्रेसचे प्रवक्ते सचिन सावंत यांनी भाजपावर टीका केली. विधिमंडळ अधिवेशनापासून भाजपा जे आरोप करतय, त्यावरुन ते सातत्याने गोलपोस्ट चेंज करत असल्याचं दिसतं. भाजपाकडून वेगवेगळे आरोप होत आहेत. कोणत्याही प्रकरणाचा ऐकमेकाशी संबंध नाहीय. परमबीर सिंह यांची चौकशी होऊ नये, यासाठी भाजपा त्यांना कव्हरिंग फायर देतय का? असा सवाल सचिन सावंत यांनी विचारला. 

रश्मी शुक्ला यांनी ऑगस्ट २०२० मध्ये फोन टॅपिंग प्रकरणात अहवाल दिला. मग आता सात महिन्यानंतर हा विषय का काढला? हा मूळ मुद्दा आहे. रश्मी शुक्ला यांनी ऑगस्ट २०२० मध्ये अनधिकृतपणे फोन टॅपिंग केल्याचा आरोप सचिन सावंत यांनी यावेळी केला. 

मनसुखचा मृतदेह सापडल्यानंतर दुसऱ्याच दिवशी सचिन वाझेनं काय केलं?

सीताराम कुंटे यांनी सादर केलेल्या अहवालाने भाजपाच्या आरोपांची हवाच काढून टाकली. सीताराम कुंटेंच्या अहवालात ६.३ जीबी पेनड्राइव्हचा उल्लेख आहे. हा पेन ड्राइव्ह सरकारला मिळालाच नाही. मग देवेंद्र फडणवीसींना कुठून ६.३ जीबीचा पेन ड्राइव्ह मिळाला. त्यांनी केंद्रीय गृहसचिवांना काय सांगितलं? खोट्या माहितीच्या आधारे तक्रार केली का? यात महाराष्ट्राची बदनामी होतेय, असा आरोप सचिन सावंत यांनी केला आहे. 

अर्णब प्रकरणात भाजपाने परमबीर सिंह यांच्यावर टीका केली होती. मग आता अचानक त्यांना परमबीर सिंह यांचा पुळका का आला? असा सवाल काँग्रेसने विचारला आहे. १० मार्चला ATS ने DVR मागितला. परमबीर सिंह यांनी तो दिला. DVR देऊन चूक झाल्याचं कळल्यानंतर तो परत मागवला. ATS ने तो परत दिला आणि अजून तो DVR गायब आहे. DVR असा कसा गायब झाला? तो कोणी मागून घेतला, NIA ने याच्या मुळाशी जायची गरज आहे असे सचिन सावंत म्हणाले.